احلى الليالي تراها ليلة الجمعة .. مذكورةٍ بأول الدنيا وتاليها
جماعة الشمل يوم الناس مجتمعة .. سبحان ربٍ يبعدها ويدنيها
أنا أجتلد وأرسل الدمعة ورى الدمعة .. متى عيوني تشوف عيون غاليها
هو راس مالي والمطلوب والطمعة .. البيض غيره حشا لله مابيها
والله لولا الحيا والعيب والسمعة .. إني لأخاطر وغالي الروح لاهديها
وأشاهد اللي لغضات الصِبا شمعه .. ما يونس العلة إلا قلب راعيها
والله لو عرضت لي زينة اللمعة .. ما تلتفت عيني اليسرى تراعيها
الغاية أحلى الليالي ليلة الجمعة .. من بد كل الليالي أحب طاريها